تبلیغات
وب سایت رسمی از گندمبان تا لکستان - داستان زیبای گرگ و سگ(قسمت دوم )

اسلایدر

داستان زیبای گرگ و سگ(قسمت دوم )
ارسال شده توسط gandomban . | ( نظرات )
تا سفیده صو هَر هامه خَوَر  /  مَر خوینِم بِرشی , بیلِم باین ای وَر

اگر بِگیردین اَر دور پَچی  /  یا وَ زونِ خوش اَرّیتا نَچی

مِ نیون گِرِم , هجومه مَکَم  /  عمرِ فاسِدِت تمومه مَکَم

گرگ وِت ای رفیق دِلِت اِشکونم  /  خیالَلِت کُل اَژ یَک پِشکونم

گَپِ گذشته نار اِی خاطرِم  /  وِژمه مَزونم دُز و کافِرِم

مِ خدا هونه دُریس کِردِمه  /  قاتل و موسَل , چِلیس کِردِمه

وختی سالم بیم , هونه لات نویم  /  اَر دَرِ مالَل , انگِلات نویم


پیرار اَر کمین پَچی شَری بیم  /  شفق حمله ور اَر کاوِرّی بیم 

تُمَرز اَ روژه شانسم یار نیه  /  آساره بَختِم سازِگار نیه 

کُرِّ خیرَت دار , تِفنگ وَ شونی  /  چوار پاره ای میل تفنگ تَپونی

یه سول چخماخی کِلاو لاری بی   /  صیاتِ تَردَس کهنه کاری بی

خنجری ای ژیر پیچِ شال بیتی  /  چوی کِپوکِچی گاله گال بیتی

نیشت اَر پا کُچک , شون آشَکُنی  /  وَ کِلیک , ماشه تِک لویل چَکُنی

چُرو اَر چُرو گَلوازمه مَکِرد  /  هر چوی پرنده پروازمه مَکِرد

شون اَژ هولِ مال , مِ وَ گیونه سر  /  چوارپاره ای لویل تفنگ هَت ای دَر

اَژ بخت هوَتی , ای چاره رَشِم  /  تَم و توزِ تیر , پیچیا اَر کَشِم

دیم خوینِ گیونم وَ هُرِّه مچو  /  دیم پا دُماینَم وَ کِرّه مچو

یه پام اَر کَشِم کِرّه کِرّ بیتی  /  دولایز کِرّیا , دُرّه دُرّ بیتی

اَژ اَ روژِ را زَله زِر بیمه  /  وَ گازِ گُلّه آگِر پِر بیمه

دی هناسی کُت , وِلَکَتی کِم  /  شَلِ قُمَرو , بی هَلمَتی کِم

یا پَلتافی بِن اَر سرِ دیوار  /  یا اَژ سویکِ در سر بار اِی دیار

سیر پیروش پیروش رگِ رونِم کَ   /  سیر تیرِ پورّیا اَر سِخونِم کَ 

سیر شانسِ هْوَتی بد کِردارِم کَ   /  سیر چال و بَرزی روزِگارم کَ 

ای کَنِ کِرَم کَتِمه رفیق  /  گیر و گرفتار هَتِمه رفیق

تویشِ روزِگار ناکَسه وِژِم  /  وَ تیرِ اجل پا بَسه وِژِم

هِن یَسه هونه ویر و هوش نِیرم  /  لولیامه , آز اِی چَم و گوش نِیرم

اَنی مِ وَ حال دَر وَ دَری چَه   /  وَ گِدای کِردن و لیوه گَری چَه

ایسکه اَر کمی دلت تنگ بیه  /  اَر انصافِت اَژ جنسِ سنگ نیه

گیون وِژِت فکری اَر حالِم بِکه  /  وَ حکم وِجدون خوشالِم بِکه 

وَخته حْور پِلاس شوگار بِکَنی  /  وَخته کِله شیر اذان بِخونی

مِ هَر چَمَرّی دَنگِ هِناتِم  /  سیرِم کَ بِچِم ویر اَر وِلاتِم

سگ وِت دی هِرّی شَلِ قُمَرو  /  هوکاره حقه و گزاف و دُرو

گُشوَن پِشکیا اِی ویرِت چیه   /  اَجَل کیشاینه , تَقصیرِت نیه

اَر وَ هَچه هَچ , دَنگِم اِیر آرِم  /  سَگَل آبادی مان اِی دیارم

اِی نوم هُمالَل زَنگته مَزِرّی  /  صد و بیس گَمال دورته مَگِری

تو وَ حالِ پیر , وَ پالِ شَلِّت  /  تیکه کَلِنگَت ماوه گوشَلِت

خیانت بِکَم , بیچاره موِم  /  چوی تو دَر وَ دَر , آواره موِم

گرگ وِت تو گمال پِر آزاری کین  /  سگی ,سگ صفت ,سگ کرداری کین

شو مٱوا اَر پا تِلاسه مَکین  /  اَرا گُپی نون هَر پاسه مَکین

یه گِل وَ خیظا اِی دَرته مَکَن  /  کُچِک حاواله نوم سَرته مَکَن

چوی بَرده مِدوم اسیرته مَکَن  /  اَر دَر طویله زنجیرته مَکَن

وَختی تو خُچو یه سالُنی بین  /  خِپِله , شیر حْور , دُمالونی بین

چوارسال و سه مونگ اَوه حالِت بی  /  مویش مِردی خوراک سال وَ سالِت بی

مِ چَن پِلَنگی , دل دَرینِم بی  /  نومجا دو اَرجِن جا کَمینِم بی 

بوقِ مِلّ کاوِرّ جا دِنونم بی  /  یه وِژه و نِصمی تیسکِ شونِم بی

ایسکه روزگار بی ناز کِردمه  /  وَگَردِ سگی دَمساز کِردِمه

اِ سگ , رِمُن بَر , نونه لَّمی کین  /  هار و دَم وَ پاس , بی هُمدَمی کین

بی نوم و نیشون , بی جا مالی کین  /  بچین اَر مولَق هَر گَمالی کین

کرم اگر تو بِکَن وَ داور  /  حَقَه مِین وَ سگ یا وَ گرگِ لَر


می توانید نظرات خود رااینجا بنویسید*-*-*-*وارد کردن ایمیل الزامی نمیباشد.
Foot Issues 1396/05/9 07:03
Hey There. I found your blog using msn. This is an extremely
well written article. I'll be sure to bookmark it and come
back to read more of your useful information. Thanks for
the post. I'll certainly comeback.
http://quixoticqueue7486.jimdo.com 1396/05/8 20:50
I have read so many articles on the topic of the blogger lovers but this post is really a good article, keep it up.
What causes pain in the back of the heel? 1396/05/6 08:08
My family members every time say that I am killing my time here at net, however I know I am getting knowledge daily
by reading such good articles.
tansummary371.soup.io 1396/02/29 04:55
Now I am going to do my breakfast, once having my breakfast coming yet again to read additional news.
manicure 1396/02/13 22:11
Hello to every body, it's my first visit of this web site;
this website consists of awesome and truly
fine information in support of readers.
manicure 1396/01/18 15:59
Hello! Do you know if they make any plugins to help with SEO?

I'm trying to get my blog to rank for some
targeted keywords but I'm not seeing very good gains. If you know
of any please share. Cheers!
1394/07/22 20:47
عالی واقعا عالیه دستون دردنکه
gandomban . پاسخ داد:
خواهش میکنم دوست عزیز
امیدوارم لذت برده باشید
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
 
لطفا در نظرسنجی شرکت کنید.
سوال: پیشرفته ترین شهرستان مننطقه لکستان کدام شهرستان میباشد؟ (فرهنگی،اقتصادی،علمی ،ساختار شهری و... )







وب سایت رسمی از گندمبان تا لکستان

آمار واطلاعات سایت
محل درج تبلیغات

وب سایت رسمی از گندمبان تا لکستان

وب سایت رسمی از گندمبان تا لکستان

کانون تبادل افکار مردم لک زبان

اخبار و روزنامه های امروز
پر بازدیدترین مطالب سایت

کد پربازدیدترین

نظرسنجی واشتراک گذاری

پشتیبانی

تصویر ثابت