تبلیغات
وب سایت رسمی از گندمبان تا لکستان - ابیات فال چل سورو

اسلایدر

ابیات فال چل سورو
ارسال شده توسط gandomban . | ( نظرات )

فال چل سورو همانند مور یکی از مختصات لک زبانان ویکی از مشخصه ی سرزمینهای لک نشین است.این فال بیشتر در شبهای زمستان

 زمانی که افراد فامیل دور هم جمع میشوندمورد استفاده قرار میگیرد

 1) اَر دوس هزار بو، هر تو یارِمی / هر تو یارَكِه، نو شكارِمی

2) گِلِه گوشتِ تویشك، وَ گوپِه نونا / ماچِ تویله دِت، سه‌تیر وَ شونا

3) دَمَكَت بار بِن دَم دَمانِت كَم / سورمِه عطاری پِر چمانِت كَم

4) خانِم نِمَرِه. گوشت شكارِم / كو گَردی بِكم اَرا كی بارِم

5) شو مانگی خاصه و شرط خوشت بو / سوزه بالابرز و ترکشت بو

6)ژیر سریت نی بو ژیر پاییت له بو/ ژ مال ژ دنیا هر ژنت خاص بو

7) خدا برسان روزی قلیانم / تماکو فروش بکه مهمانم



8) هر مای هر مچی بو تا کلت کم / و باووان مچی دس وه ملت کم

9)بومه کونیلک و سر شانت / تک تک بچکیام و نرمی رانت

10) ار دوس بزانه مه حالم چوینه / نه زلفه میلی نه خال و سینه

11) نزانم دتی یا دسگیرونی / قرپ قرپ کوشه کت مالم رمونی

12) یه شو دیمه خاو،خواوو دروو نیه / دسم وه مل دوسکم بیه

13) و یادته مای کارد بری دسم / دسمال آووردت بستی له دسم

14) دسکم بگر بور و مالکت / بکم و مهمان تنیا خالکت

15) خدا خدام بی ژ مال بوینه در / چارشو عروسی بکیشی و سر

16) ا هوارر هتین رنکت نریاوی صد قسم بری ماچت کریاوی

17) خوشمه چه ته مای در درپاکت چن جوان کشیا ا سر جاکت

18) ری یگه خرماوه باجن و کنجی / اری دوسکه دنان برنجی

19) ری یگه کرماشان تپ توز مه که / دلم تقاضا لا دوسه مه که

20) ری یگه کرماشان بسازن و چو/ ارا یارگم هر بای هر بای بچو

21) ژیر سری مخمل بالش پر و پو/ یه طور بکه جا هردکمان بو

22)جاده خرماوه گشت اسفالته / بوشنه دوسکم سو ملاقاته

23) جاده خرماوه بکنه شیشه/ بوش دوست درم ارا همیشه

24) صوفی صافی بیم چمه زیارت/‌ سوزه هنکچی دل برد میه خارت


نیا کل بیم   کل ولام نویی /ور مخار جام بی چویر مخواردم شو منزلگام بی

مه کراسمه مه سر تا پا لار بو/نه کل بو نه در. نه زمین مال بو

ره گه خرماوه باجن و کنجی/اری دوسکه دنان برنجی

رهگه کرماشان تپ توز مه که/  دلم تقاضا لا دوسه مه که

رهگه کرماشان بسازن  و چو/ارا یارگم هر بای هر بای بچو

ژیر سری مخمل بالش پر و پو  /    یه طور بکه جا هردکمان بو

جاده خرماوه گشت اسفالته/  بوشنه دوسکم سو ملاقاته

جاده خرماوه بکنه شیشه/  بوش دوست درم ارا همیشه (فرهاد چراغی)

صوفی صافی بیم چمه زیارت‌   / سوزه هنکچی دل برد میه خارت

مه بیم و گیونی ژسر ویردم / ‌ دام دوریشیل نذر تو کردم

ارصد دوس بگرم هر تو یارمی‌/   هر تو اوّل تیز نوشکارمی

ار بوینه لق لق بچینه موی لق‌/   شکار وژمی و فرموده حق

ار بوینه ماهی بچینه دریا / مومه قلاوه مکمت پیا

کوور گن گن بای،بوینه هماری‌   /  ولا دوس مچم و سر سواری

خانم و درو کم بنه‌ار کولم/تو و مال خودت،مه و انجولم

چل گو،چل نیم گو،   /  چل کریمخونی‌

«چِل‌ گو، چِل‌ نیم‌ گو، چِل‌ كریم‌خونی(نیم قرانی)/ نُخرَه ریز كِردیه، تا پِشتِ زونی

«اگر بِنیشم دل بی‌قرارَه/ اگر هیز گِرِم، سایَم دِیارَه


«اِ هوارِر هَتین، وِتِم یَه یارَه/ گِلارَم كور بو، یَه خو رِویارَه»

«دایا تو پیرین، گُپِت قُپیایَه/ سَرداری مخمل، وَ تو مِنایَه» 
«شرط بو. اژ داخِت، هَر یَه حالِم بو/ برگِ آزیَتی، سال وَ سالِم بو» 
«خُدا تَ بِین دِه، دُنیاتَ دِل بو/ پرچینِت میخك، هُم رازِت، گُل بو»

«خُدالَم شُوكره، رَسیم وََ مَطلُو/ دِلِم ساكت بی اژ پژاره شُو»

«اِ هُوارِر هَتین، توپ و گُل دمی/ سروَن سنگ‌اَلا، پیاله چَمی
«اِسا پیر بیمه، وَلگِم رِزیایه/ گَل‌گَل نازاران، وَ سام توریایه»

«كَل‌مِ كوشتیه، هشت پا وَ نُه/ گورگ، چوُویر هواردِه كَلِه كَوَر كوه»

«بیه‌سَه كارِت، وَ بِرجا نیشتِن/ وَ تیرِ بِژنگ، رِویاری كُشتِن» 
«تَرسِم، دُما مه، قالِ بر پا بو/ كیاكی بِكن، كی كتخدا بو

«شاوار دو شاوار اِ یَك رِشیایَه/  كِلیل‌دار شاوار، اَركو كوشیایَه»

«هرچه هِنام كِرد، هِنام نَرَسی/ دام اَ نوم سَرِم وَ هَر دو دَسی»

«بیمه‌سَه بویل‌كو سِته وَر مالان/ هر باده مِیو، مُرِم وَ تالان»

«اِ قصرر هَتِم، لیمو بارِمه/ و كَس نِمه‌مه اَرا یارِمه»

«یَه مالِ كیَه بیَه ویروُنه/ قوقو بایَه قوش، لِش كِرده لونَه» 
«خوَشحال و اَرجِن، چوُویر هُومساسِه/تِك‌تِك برفان، راخیز و پاسِه»

«نازار اَر نویاین، بادِم بِردَ بی/ ناكَس زنگانیم، زویخ‌آو، كِردَه بی»

«دوس اول خاص، اِسه مِیل سَردِم/ اِسَه یاخی بی، وَ حرفِ مَردِم»

«دوس دُوروزِن، سَر دُورو لَقِن/ رِنِ حیله‌باز بِن كیسه تَكِن»

«اَر دوس هزار بو، هر تو یارِمی/ هر تو یارَكِه، نو شكارِمی»

«گِلِه گوشتِ تویشك، وَ گوپِه نونا/ ماچِ تویله دِت، سه‌تیر وَ شونا»

«خوَزگال و كوچلَه، تَنَك و تُنِك/ مِدام ها وَ دَس سوزه بو هُنِك

«شولِه مانگ شو، دای اَر دروازهَ/ بِمارِكِت بو ، اِی فِرم تازه»

«ایواره‌كُنِه، گوَرآ بَسونِه/ ار تو دِلِت بو كَسِه چوزونِه»

«لاشَت مَنِیًه وَ روی راخَه وَه/ مِه شوینِت بِكَم وَ كاچاقَه وَه»

«جِفته شمامه نیم‌رَسِم دیَه/ دورون پرچینَه، جا دَسِم نیه» 
«دم در، دِنون در، در اَر بانِ در/ لو وینه مخمل تازه قیچی بِر)
 «دووَشو دیمَه كوگِه مَشاقُون/ تُومرز یه لیله‌مَچو وَ باوُن»

«دَمَكَت بار بِن دَم دَمانِت كَم/ سورمِه عطاری پِر چمانِت كَم»

«چاو سِه، چاو سِه‌یل، دور چَم آویی/ زلف چوی گاوِر كور، لونه‌ی بط آویی»

«خانِم نِمَرِه گوشت شكارِم/ كو گَردی بِكم اَرا كی بارِم»

«خوَزگال وَ كونِك، مِدوم سُواره/ سوُار سُوزه پایونِك دارَه»

«آسارَمِه دی، وِتِم سهیلَ/ تومَرز بالاپوش دامانِ لیلَ»

«ایمشو اِ بَختِم، مُانگ آخِل داسِه/ سُوزَه بالا برز كشیكچی ناسِه
«ریه‌گِی ایلاخ بِتِشِن و چو/ ارا لیلَكَم هَر بای هَر بچو
«دَم قَن دِنون قَن، ژیر چِنَه هم قَن/ نازار قَن فروش، قَنِت مَنه چَن؟» 
«اِ كَمَر كَتِم، وِلا بیمَه وَه/ تیخِ تازَه دَم، طلا دیمَه وَه» 
«شَقِه شاقِ كَل، هوفِه بالِ دال/ اَر سَر دَروَنون، بیمَه كو زِخال»

تو خوت گلی کین گل ارا چه ته/ مردم هم تزار گله که خوته

خدات ا بند د دته ا  ماله/  کلیک چون بلور چاو چو ژیر پیاله

کنیلکه کولت پوس شکاره/ آوکه نومه شفا بیماره

یا خدا برسن سوار   و  دو /  گفت و لفت شیرین بغل خفت شو

خوشمه چه ته مای آگر بردنت/مال مال گردین منی کردنت

اژ ای دم دنیا تا ا دم دنیا/تمام گل خاتون دم ار یک نریا (چکه چکه= قبرستان)

جامیلک زرد آو هوری مانه/زلف هویلکت ژیر سری مانه

وتم هه دوس کلا که لیوت بکه زرد/  هر تو دردمی  مه که درم درد

کاشکا بمردام بکردات شوینم/ بلکم و مردن جمالت بوینم

ا  سیا مالان سول دایه در/    زمین منت بار ه پات بنه سر(سول=زن بلند قد)

وژم یکه کم دردم هزاره/ مردم موشن یه گنه کاره 

خدات و بین د دو گل ژوهار / اول اسب و زین دوم ژن و مال

خدا خدام بی وارون باووارو / سوزه کور و کول آوو ز روبارو

خدا بسینی حقم ز دایه   / خوم رنجم کیشا کی نیشت و سایه

خدا برسان روزی قلیانم  /  تماکو فروش بکه مهمانم

وسا چترکت ساته بکم خاوو /  شا جنم جام بو نویی نوای آوو

تلی ژ زلفت پاونی پامه/  گری نوینمت آخر دنیامه

کراسکت چیته گلی دش وازه    /  بمارکت بو ئی دوس تازه

بری تیله دت دان و نوم شومم    /  مر علی رحم کی و بنه تومم

دمه کت بار بن و نوم دمم     /   بلکم ساکت بو دل پر غمم

ز بلننی کوور وژم کردمه گل /  ارا تو دت گلونی اه مل(ارا دوسکم دوا سبز مل)

هر مای هر مچی بو تا کلت کم      /   و باووان مچی دس وه ملت کم

بومه کونیلک و سر شانت / تک تک بچکیام و نرمی رانت

گنم گرمسیر هر تلی جاییی   /  بوشه دوسکم شو نوسی بایی

سوزه سیلم که لویی بکه زرد   /حکیمم تو بین کی من داشتم درد

سوزه ،سوزم بی، سوزه هزاره/   سوزه یکی بی داته مغاره

سوزه سوزه سوزه گیانمی/آخ دت سوزه شو مهمانمی

نازک موشه باوه شوی مه مه/ دس کت وشلوار بی تلی مه مه

نازک موشه مه برا نیرم/ ار برام داشتو باک اژ شاه نیرم

نازک نازکل بینهسه هزار/نازک سید مهدی نیشتیسه مزار

کور گن بایی بوینه هماری   /   و لا دوس مچم و سر سواری

خوشا و کوری منیشیا ولات    / دسته مه مالیا خالیل پنجه پات

هر صو و سحر بانگ خروسان  / شوره تلمیت بار تازه عروسان

دمه کت قوطی ،آوو حووری مونه   /  دسه کت بالشت زیر سری مونه

دم قن دنو قن ،لوشکر نیم  /  افرین ز دوس صد آفرینم

زیر سریت نی بو زیر پاییت له بو      /  ز مال ز دنیا هر ژنت خاص بو

و در ماله کت ساتی بنیشم / هرکس بپرسی بوشم دوریشم

ایواره گونی گاو و گاوبنونی    /   ار تو دلت بو کسی چه زونی

هر مای هر مچی له براوورم   / آخر دووارون مارینه سرم

صد دوس بگرم هر تو یارمی/هر تو دوسه کی نوو شکارمی

دسمال دسکت بیلا دوتا بو   /  یکیش اوریشم یکی کتان بو

دوس اول خاص اسکه میل سردم    /   ژم دلگیر بوینه و حرف مردم

و کاردم نکوش زخمم دیاره /مردمه مو شن یه گنه کاره

امروز چن روزه دویر ز یارانم/ چوین زمین شور تشنه وارانم

ار دوس بزانه مه حالم چوینه/  نه زلفه میلی نه خال و سینه

نزانم دتی یا دسگیرونی   / قرپ قرپ کوشه کت مالم رمونی

یه چه جنسی بی تو کردت له ور/  هواکت برزه نمیکم و سر

هه داد  هه بیدا کس دیار نیه  /    کس و درد کس خور دار نیه

خوشا و کری گرمسیر جاسی    /  منزل ار منزل دم کل همساسی

یه شو دیمه خواوو ،خواوو دورونیه /   دسم وه مل دوسکم بیه

مرمن چه واتم تو چه شنفتی /   و حرف ناکس تو له من کفتی

یه شو تا و صو شم سوزانم بی / طبل شادیم دا  دوس مهمانم بی

بیلا هر شو .بوله روز بیزارم     /     پژاره و ناله  بیه و کارم

و یادته مای کارد بری دسم/  دسمال آووردت بستی له دسم

دسکم بگر بور و مالکت      / بکم و مهمان تنیا خالکت

اگر میلکت فراموشم بو /   سفیدی کفن بالا پوشم بو

خدا خدام بی ز مال بوینه در    / چارشو عروسی بکیشی و سر

ا بالا برزه ز دویر دیاره      /  یا دار حنا یا میخک باره

میخک بارمه و کس نمیمه / اری یارمه اری یارمه

زلف هویلکت تال تال بکیشم  / بکمه کولا و سای بنیشم

جفته کوش کش کار هرسینه /     دته ار کیشه بی لنج و لاره

اواره کانه دوسم هه ته رم /   لوه خنه کرد سیفه دایه پیم

بالاکت برزه چنه چناره  / ا هفت ایمامه بد ا ریت ناره

سرداری مخمل تو کردته ور / / بالت برز بیه کس نمه کین سر

کنیه که ور مال ریخ دانه دانه  / چاو مس یکه که همسا خمانه

کت وشلوار مشکی یخه سالاری /   و امید خدا تو فرمانداری

 یه گل یه بلبل یه سایه چمن  /  یه منو تونو یه شهر یمن

نه کنم خرم نه گنم سینم  /   هتم تونو بالکت بوینم

ا   تنیا  داره و ه سر ا دیمه   / و امید خدا گل کردیه خیمه

یا اما رضا بارگه و بارگه خاص ./ زیارتی فره مطلو دار بشناس   

بیلا قورکم یه کمه لا بو/دالکه پیرکم ولم دیار بو

من ا قور نمه چم ا قوره تنگه /  چوار دور دیوار سر پوشه سنگه

دوس عزیزم ..................                                                     دیار منو تو که ته قیامت

خوشالمه او سا جمع مان جم بی  / چوخمان چاخ و چایمان دم بی

الان غریب و دلمان گیریاس/   دسمان ودس دوس خاص بریاس

خوش مه چه ته مای /  مال و مال گیردین دوس پیا کردن

اژ  داغ دویریت دلم تنگ بیه/سر بیمارم پر درد بیه دردت وه گیانم  برا نازارم  دلم ارانت فره تنگ بیه

اگر چرخ بکن گوشت و سخانم/شش دانگ ایران بکن وه نامم     های ده خیالم آرام گیانم


 



می توانید نظرات خود رااینجا بنویسید*-*-*-*وارد کردن ایمیل الزامی نمیباشد.
Foot Complaints 1396/05/9 10:31
I seriously love your website.. Great colors & theme.

Did you create this amazing site yourself? Please reply back as I'm planning to
create my own site and would love to know where you got this from or exactly what the theme is named.

Appreciate it!
What causes painful Achilles tendon? 1396/05/6 18:03
Link exchange is nothing else but it is simply placing the other person's weblog link on your page at
appropriate place and other person will also do same in favor
of you.
Can you get taller with yoga? 1396/05/6 08:43
Asking questions are actually good thing if you are not
understanding something fully, but this paragraph offers nice
understanding even.
leg an foot pain 1396/04/11 12:11
Loving the information on this web site, you have done outstanding job on the blog posts.
manicure 1396/02/13 22:32
Every weekend i used to pay a quick visit this website, as i wish
for enjoyment, as this this website conations genuinely nice funny data too.
manicure 1396/01/18 18:16
I do not even understand how I finished up here, but I thought this
submit used to be great. I don't know who you are but certainly you're going to a well-known blogger in case you
aren't already. Cheers!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
 
لطفا در نظرسنجی شرکت کنید.
سوال: پیشرفته ترین شهرستان مننطقه لکستان کدام شهرستان میباشد؟ (فرهنگی،اقتصادی،علمی ،ساختار شهری و... )







وب سایت رسمی از گندمبان تا لکستان

آمار واطلاعات سایت
محل درج تبلیغات

وب سایت رسمی از گندمبان تا لکستان

وب سایت رسمی از گندمبان تا لکستان

کانون تبادل افکار مردم لک زبان

اخبار و روزنامه های امروز
پر بازدیدترین مطالب سایت

کد پربازدیدترین

نظرسنجی واشتراک گذاری

پشتیبانی

تصویر ثابت